← All books
AMPKIKUYUKJVNIVNKJVNLTNRSV
1Narĩo ithandũkũ rĩa Jehova rĩgĩikara bũrũri ũcio wa Afilisiti mĩeri mũgwanja.
2Afilisiti magĩgĩĩta athĩnjĩri-ngai ciao, na aragũri, makĩmoria atĩrĩ, Tũgwĩka ithandũkũ rĩrĩ rĩa Jehova atĩa? Ta tuoniei ũrĩa tũngĩrĩcokia handũ harĩo.
3Nao magĩkiuga atĩrĩ, Mũngĩkorũo nimũgũcokia ithandũkũ rĩu rĩa Ngai wa Isiraeli-rĩ, menyai mũrĩcokie ũtheri; no nĩ kaba mũtwarĩre Ngai ũcio kĩndũ gĩa kũmũrutĩra igongona rĩa ihĩtia; na hĩndĩ ĩo nĩmũkahonokio, na mũmenye kĩrĩa kĩanagiria mwehererio guoko gwake.
4Nao makĩũria atĩrĩ, Kĩndũ kĩrĩa tũgũkĩmũtwarĩra kĩa igongona rĩa mahĩtia-rĩ, nĩ kĩ? Magĩkĩmera atĩrĩ, Nĩ tũnyamũ tũtano twa thahabu tũtariĩ ta ngai icio, hamwe na tũmĩhianano tũtano twa tũbĩa tũthondeketwo na thahabu, o ta ũrĩa anene acio a Afilisiti maigana; nĩ ũndũ nĩ ihũra rĩa mũthemba o ro ũmwe rĩamũkinyĩire inyuothe, na anene anyu.
5Tondũ wa ũguo, wĩthondekerei mĩhianano ya ngai icio cianyu na mĩhianano ya tũbĩa twanyu tũu tũthũkagia bũrũri, na ningĩ mũgoocithie Ngai wa Isiraeli; mweka ũguo-rĩ, hihi nĩekũhũthahũthia guoko gwake kũmweherere, na kweherere ngai cianyu, na bũrũri wanyu.
6Rĩu-rĩ, mũgũkĩũmia ngoro cianyu nĩkĩ, o ta ũrĩa Amisiri, o na Firauni, momirie ngoro ciao? Tondũ-rĩ, rĩrĩa aakorirũo ekĩte maũndũ ma kũgegania mũno thĩinĩ wao-rĩ, githĩ toguo maakĩrekire andũ acio mathiĩ, nao magĩĩthiĩra?
7Tondũ ũcio itĩkanai na wĩra mwĩthondekere ngari njerũ, na mũnyite ng’ombe igĩrĩ igũkamwo itarĩ ciekĩrũo mũtĩ wa ngingo, muoherere ng’ombe icio ngari-inĩ ĩo, natuo tũcaũ twacio mũtũinũkie mũciĩ;
8mũcoke muoe ithandũkũ rĩa Jehova, mũrĩigĩrĩre igũrũ rĩa ngari ĩo; nacio indo icio cia goro cia thahabu o icio mũkũmũtwarĩra ituĩke cia igongona rĩa mahĩtia, mũciĩkĩre gathandũkũ-inĩ, kaigwo mwena-inĩ warĩo; mũkireke rĩtwarũo, rĩĩthiĩre.
9Na mũbare na kũrĩa rĩgũthiĩ; rĩngĩkĩambata rĩrorete mũhaka-inĩ wa bũrũri warĩo, rĩkinye Bethi-shemeshu-rĩ, gũgĩtuĩke nĩ Jehova ũtũrehereire ũũru ũcio mũnene ũguo; no rĩrĩ, kũngĩtuĩka ti ũguo, nĩtũgũkĩmenya tiwe ũtũũmĩire, no nĩ ũndũ wa mbũkĩrĩra wĩrehete o ro ũguo.
10Nao andũ acio magĩgĩĩka o ta ũguo; makĩnyita ng’ombe igĩrĩ igũkamwo, magĩcioherera ngari, natuo tũcaũ twacio magĩtũhingĩra mũciĩ,
11magĩgĩĩkĩra ithandũkũ rĩa Jehova ngari-inĩ ĩo igũrũ, hamwe na gathandũkũ kau kaarĩ na tũbĩa tũu twa thahabu thĩinĩ, na mĩhianano ya ngai icio.
12Nacio ng’ombe icio ikĩgwata njĩra ĩrĩa yathiaga yarũngĩrĩirie ĩrorete Bethi-shemeshu; igĩgĩthiĩ o na njĩra ya gĩtwari ikĩanagia, nacio itiigana gũkerũra na mwena wa ũrĩo, kana wa ũmotho nao anene a Afilisiti magĩcirũmĩrĩra, magĩkinya o mũhaka-inĩ wa Bethi-shemeshu.
13Nao andũ a Bethi-shemeshu nĩ kũgetha maagethaga ngano yao kĩanda-inĩ; magĩtiira maitho, makĩona ithandũkũ rĩu, magĩgĩkena mũno maarĩona.
14Nayo ngari ĩo ĩgĩgĩkinya mũgũnda wa Joshua, Mũbethi-shemeshu, ĩkĩrũgama ho, o handũ haarĩ ihiga inene; nao andũ arĩa maarĩ ho magĩatũranga mĩtĩ ya ngari ĩo, magĩthĩnjĩra Jehova ng’ombe icio ituĩke ihaki rĩa njino.
15Nao Alawii makĩruta ithandũkũ rĩa Jehova ngari igũrũ, na gathandũkũ kau kaarĩ hamwe narĩo, o kau kaarĩ indo cia goro cia thahabu thĩinĩ, magĩciigĩrĩra ihiga-inĩ rĩu inene igũrũ; nao andũ a Bethi-shemeshu makĩrutĩra Jehova mahaki ma njino, o na magongona mangĩ, mũthenya o ro ũcio.
16Nao anene acio atano a Afilisiti mona ũguo, magĩgĩcoka Ekironi mũthenya o ro ũcio.
17Naguo ũhoro wa mĩhianano ya ngaĩ icio ĩthondeketwo na thahabu, ĩrĩa Afilisiti maatwarire ĩtuĩke ya igongona rĩa kũrutĩrũo Jehova nĩ ũndũ wa mahĩtia nĩ ũyũ, atĩ ũmwe warutirũo nĩ ũndũ wa Ashidodu, na ũmwe nĩ ũndũ wa Gaza, na ũmwe nĩ ũndũ wa Ashikeloni, na ũmwe nĩ ũndũ wa Gathu, na ũmwe nĩ ũndũ wa Ekironi;
18o na tũbĩa twa thahabu tũu twatwarirũo twaiganaga o ta ũrĩa matũũra ma Afilisiti maigana ma anene acio atano, o marĩa mairigĩtwo, o na tũtũũra twa ng’ongo, o nginya ihiga rĩu inene, rĩrĩa maaigĩrĩire ithandũkũ rĩa Jehova, o rĩu rĩtũire mũgũnda wa Joshua, Mũbethi-shemeshu, o na ũmũthĩ.
19Nake Jehova akĩũraga andũ a kũu Bethi-shemeshu ngiri mĩrongo ĩtano na mĩrongo mũgwanja, nĩ ũndũ nĩmaacũthĩrĩirie ithandũkũ rĩa Jehova thĩinĩ; nao andũ arĩa angĩ magĩkĩrĩra mũno nĩ kĩeha, nĩ ũndũ Jehova nĩaamoragĩte rĩũraga inene mũno.
20Nao andũ a Bethi-shemeshu makiuga atĩrĩ, Nũ ũngĩkĩhota kũrũgama mbere ya Jehova, Ngai ũyũ mũtheru? Ningĩ rĩrĩa akoima harĩ ithuĩ-rĩ, akaambata athiĩ kũrĩ ũ?
21Nao magĩkĩrekeria andũ arĩa maatũũraga Kiriathu-jearimu andũ, makĩmera atĩrĩ, Afilisiti nĩmacoketie ithandũkũ rĩa Jehova; ta ikũrũkai mũũke mũrĩgĩre mũrĩambatie kũu kwanyu.
Sign in to highlight verses and keep them in sync with the mobile app.