← All books
AMPKIKUYUKJVNIVNKJVNLTNRSV
1ATĨRĨRĨ, Jehova nĩ kũnjĩra aanjĩrire ũũ: Thiĩ ũkegũrĩre mũcibi wa gatani, ũwĩyohe njohero, na ndũkaũtobokie maĩ-inĩ.
2Tondũ ũcio ngĩkĩgũra mũcibi o ta ũrĩa Jehova aanjathire, ngĩwĩyoha njohero.
3Naguo ũhoro wa Jehova ũgĩcoka ũkĩnginyĩrĩra ihinda rĩngĩ rĩa kerĩ, ngĩĩrũo atĩrĩ,
4Oya mũcibi ũcio ũgũrĩte, o ũcio wĩ njohero yaku, ũũkĩre, ũthiĩ ũkinye Rũũĩ rũa Farati, ũũhithe kuo ngurunga-inĩ ya rũaro rũa ihiga.
5Na niĩ ngĩgĩthiĩ ngĩũhitha o kũu Rũũĩ rũa Farati, o ta ũrĩa Jehova aanjathire.
6Na gũgĩkinya atĩrĩ, atĩ matukũ maingĩ maathira, Jehova akĩnjĩra atĩrĩ, Ũkĩra, ũthiĩ ũkinye Farati, woe mũcibi ũcio ũũrute kuo, o ũcio ndagwathire ũhithe kuo.
7Hĩndĩ ĩo ngĩgĩthiĩ kũu Farati, ngĩthikũria mũcibi ũcio harĩa ndaũhithire, ngĩũruta; na atĩrĩrĩ, mũcibi ũcio ũgĩkorũo wĩ mũbuthu, ũkaaga kĩene.
8Ningĩ hĩndĩ ĩo ũhoro wa Jehova ũkĩnginyĩrĩra, ngĩĩrũo atĩrĩ,
9Jehova ekuuga ũũ: Atĩrĩrĩ, ũguo noguo nganina rũtũrĩko rũa Juda, o na rũtũrĩko rũrĩa rũnene rũa Jerusalemu.
10Ũguo nĩguo gũgatuĩka harĩ andũ aya oru, o aya maregete kũigua ũhoro wakwa, na magatwarĩrĩrio nĩ ũremi wa ngoro ciao, na makarũmĩrĩra ngai ingĩ macitungatĩre, o na maciinamagĩrĩre macihoe; acio-rĩ, magatuĩka o ta mũcibi ũyũ, o ũyũ wagĩte kĩene.
11Nĩ ũndũ-rĩ, o ta ũrĩa mũcibi ũikaraga wĩgwatĩrĩire njohero ya mũndũ-rĩ, ũguo noguo ndendete nyũmba yothe ya Isiraeli ĩikare ĩĩngwatĩrĩire, o na nyũmba yothe ya Juda; ũguo nĩguo Jehova ekuuga; nĩ getha matuĩke andũ akwa kũna, na magĩe igweta, na magathagwo, o na mekagĩrĩrũo; no matiigana kũnjigua.
12Tondũ ũcio nĩũkaaria nao ũmahe ũhoro ũyũ, uuge atĩrĩ, Jehova, Ngai wa Isiraeli, ekuuga ũũ: Nyanja ciothe nĩ kũiyũrio ikaiyũrio ndibei. Nao nĩmagagũcokeria makwĩre atĩrĩ, Anga o na ithuĩ tũtiũĩ atĩ nyanja o nyanja nĩĩkaiyũrio ndibei?
13Hĩndĩ ĩo wee mwene ũgakĩmera atĩrĩ, Jehova ekuuga ũũ: Atĩrĩrĩ, nĩ kũiyũria ngaiyũria arĩa othe matũũraga bũrũri ũyũ ũrĩu, gwata athamaki maiyũrũo nĩguo arĩa maikaragĩra gĩtĩ kĩa Daudi kĩa ũnene, o na athĩnjĩri-Ngai, o na anabii, o na andũ othe arĩa matũũraga Jerusalemu.
14Nĩ kũgũtha ngamagũthithania o mũndũ na mũndũ ũrĩa ũngĩ, o gwata maithe ma ciana na ariũ ao; ũguo nĩguo Jehova ekuuga; ndikamaiguĩra tha, o na kana ndĩmacaĩre, o na kana ngĩe kĩeha nĩ ũndũ wao, nĩguo atĩ ndikae kũmaninũkia.
15Ta iguai, na mũtege gũtũ; tigai kũũra matũ, nĩ gũkorũo Jehova nĩwe warĩtie.
16Ĩkĩrĩrai Jehova Ngai wanyu, o mbere atanatũma mũtũmanĩrũo nĩ nduma, o na atanatũma magũrũ manyu mahĩngĩrũo irĩma-inĩ kũrĩa kũgwete gũtuka, na rĩrĩa mũgũthingata ũtheri, aũgarũre ũtuĩke kĩĩruru gĩa gĩkuũ, o na atũme kũgĩe nduma ĩrĩa ndumanu mũno.
17No rĩrĩ, mũngĩrega kũigua ũhoro ũcio-rĩ, no nginya njikare ngĩrĩraga na hitho nĩ ũndũ wa ũtũrĩka wanyu; o namo maitho makwa marĩre mũno, ngĩitaga maithori, nĩ gũkorũo rũũru rũa Jehova nĩ rũtahe.
18Ĩrai mũthamaki, o na mũthamaki mũndũ mũka ũrĩa nyina wa mũthamaki, atĩrĩ, Wĩnyihiei mũikare thĩ; nĩ ũndũ mũrĩ acume tanji cianyu, o tanji cianyu cia ũthaka.
19Matũũra ma mwena wa Gũthini nĩ mahingĩrĩrie, na gũtirĩ mũndũ wa kũmahingũrithia. Andũ a Juda othe nĩ arindũre magatahwo, na gũgatahanwo guothe biũ.
20Tiirai maitho, muone andũ arĩa maroka moimĩte na mwena wa gathigathini; rũũru rũrĩa waheirũo-rĩ, rũĩ ha rĩu, o rũũru rũaku rũthaka?
21Ũgakiuga atĩa, hĩndĩ ĩrĩa agatua arata aku andũ a gũgwathaga ta marĩ anene aku, kuona atĩ wee mwene nĩwe ũmataarĩte magũũkĩrĩre? Githĩ ndũkagwatwo nĩ kĩeha, o ta mũndũ-wa-nja ũkũrũmwo?
22Na rĩrĩ, ũngĩkeyũria na ngoro atĩrĩ, Nĩ kĩ gĩgĩtũmĩte maũndũ maya mangore? No nginya wĩcuke atĩ nĩ ũndũ wa ũrĩa waganu waku ũnenehete mũno, na atĩ nĩkĩo gĩtũmĩte ũguũrio nguo, na ũkarutwo nyamũga.
23Mũkushi aakĩhota atĩa kwĩerũhia gĩkonde kĩa mwĩrĩ wake, o na kana ngarĩ ĩthigithanie maara mayo mathire? Inyuĩ o na inyuĩ-rĩ, anga mwakĩhota gwĩka wega kuona atĩ mwanamenyera gwĩka ũũru?
24Tondũ ũcio nĩ kũhurunja ngamahurunja, o ta ũrĩa rũwa rũa ngano rũũmbũragwo nĩ rũhuho rũa werũ-inĩ.
25Rĩu nĩrĩo iringa rĩaku, o na ituĩro rĩrĩa wathĩrĩirio nĩ niĩ; ũguo nĩguo Jehova ekuuga; nĩ ũndũ nĩwariganĩirũo nĩ niĩ, ũkĩĩhoka maheni.
26Tondũ ũcio niĩ na niĩ ngakũguũria nguo ikũhumbe ũthiũ, nayo njaga yaku yoneke.
27Maũndũ maku marĩa waneka ma thahu nĩndĩmonete, namo nĩmo ũtharania waku, o na mĩĩto yaku ya kwenda kũũmbwo, o na rũtũrĩko rũaku rũa maũndũ ma ũũra-thoni marĩa waneka ũrĩ o kũu mĩgũnda-inĩ ĩrĩa ĩrĩ ithũngũri-inĩ. Wũi-ĩiya-waku-ĩ, wee Jerusalemu, o wee ũtendaga gũtherio! Ũgũtũũra ũhaana ũũ nginya hĩndĩ ĩ?
Sign in to highlight verses and keep them in sync with the mobile app.