← All books
AMPKIKUYUKJVNIVNKJVNLTNRSV
1Na rĩrĩ, hĩndĩ ĩo Ezara aahoyaga Ngai, akĩmuumbũragĩra maũndũ, o na akĩrĩraga, o na agĩĩtungumanagia mbere ya nyũmba ya Ngai-rĩ, agĩkĩũnganĩrũo nĩ kĩrĩndĩ kĩingĩ mũno kĩa arũme na andũ-a-nja, o na ciana, kiumĩte kũu Isiraeli; nĩ ũndũ andũ akuo nĩmaarĩraga mũno.
2Nake Shekania wa Jehieli, mũndũ ũmwe wa ariũ a Elamu, akĩarĩria Ezara, akĩmwĩra atĩrĩ, Nĩtwagararĩte watho wa Ngai witũ, na nĩtũhikĩtie andũ-a-nja a bũrũri ũyũ matarĩ a rũrĩrĩ ruitũ; no rĩrĩ, he kĩĩrĩgĩrĩro gĩkoniĩ Isiraeli ũhoro-inĩ ũcio.
3Tondũ ũcio rekei tũrĩkanĩre na Ngai witũ atĩ tũte andũ-a-nja acio othe tũhikĩtie, o na twana tuothe tũrĩa tũciarĩtwo nĩo, o ta ũrĩa kĩrĩra kĩrĩa tũheetwo nĩwe, mwathi wakwa, gĩtariĩ, o na kĩrĩra kĩa andũ arĩa mekũinaina nĩ ũndũ wa maathani ma Ngai witũ; naguo ũndũ ũcio wĩkwo o ta ũrĩa watho wathanĩtwo.
4Kĩarahũke, nĩ ũndũ ũhoro ũcio wĩ moko-inĩ maku, na ithuĩ twĩ hamwe nawe; kĩũmĩrĩrie, ũwĩke.
5Hĩndĩ ĩo Ezara agĩkĩarahũka, agĩtũma andũ arĩa anene a athĩnjĩri-Ngai na Alawii, o na Aisiraeli othe, mehĩte moige atĩ nĩmegwĩka o ta ũrĩa ndeto icio itariĩ. Nao magĩkĩĩhĩta.
6Hĩndĩ ĩo Ezara agĩkĩarahũka akiuma hau mbere ya nyũmba ya Ngai, agĩthiĩ agĩtonya kanyũmba ka Jehohanani wa Eliashibu; na aakinya kuo ndaigana kũrĩa irio, o na kana akĩnyua maĩ; nĩ gũkorũo aarĩ na kĩeha nĩ ũndũ wa ũrĩa andũ acio maatahĩtwo maagararĩte watho.
7Naguo ũhoro ũgikĩhunjanĩrio kũu Juda na Jerusalemu harĩ andũ acio othe maatahĩtwo, wa atĩ mongane Jerusalemu,
8o na wa atĩ mũndũ o wothe ũrĩa ũtarĩkinya kuo mĩthenya ĩtatũ ĩtanathira, o ta ũrĩa kĩrĩra kĩu kĩheanĩtwo nĩ anene o na athuri gĩtariĩ-rĩ, mũndũ ũcio atunyũo indo ciake ciothe, o nake we mwene aamũrũo athengio kĩrĩndĩ-inĩ kĩa andũ acio maatahĩtwo.
9Hĩndĩ ĩo arũme othe a Juda na Benjamini magĩkĩũngana Jerusalemu mĩthenya ĩo ĩtatũ ĩtanathira; naguo mũthenya wa mĩrongo ĩĩrĩ wa mweri wa kenda, andũ acio othe magĩikara handũ haariĩ mbere ya nyũmba ya Ngai, makĩinainaga nĩ ũndũ wa ũhoro ũcio, o na ũndũ wa mbura ĩrĩa yoiraga nene.
10Nake Ezara, ũcio mũthĩnjĩri-Ngai, akĩrũgama akĩmera atĩrĩ, Nĩmwagararĩte watho, mũkahikia andũ-a-nja matarĩ a rũrĩrĩ ruitũ, mũkongerera wĩhia ũrĩa wĩhĩtio nĩ Isiraeli.
11Na tondũ ũcio umbũrĩrai Jehova, Ngai wa maithe manyu, mehia manyu, na mwĩke maũndũ marĩa mangĩendeka nĩwe, na mwĩamũre harĩ andũ arĩa matũũraga bũrũri ũyũ, o na harĩ andũ-a-nja arĩa matarĩ a rũrĩrĩ ruitũ.
12Hĩndĩ ĩo kĩrĩndĩ kĩu gĩothe gĩgĩcokia gĩkiuga na mũgambo mũnene atĩrĩ, O ta ũguo wee uugĩte ũhoro-inĩ witũ-rĩ, noguo twagĩrĩirũo nĩ gwĩka.
13No rĩrĩ, andũ nĩ aingĩ, na nĩ ihinda rĩa mbura nene, na tũtingĩhota kũrũgama nja handũ hatarĩ hagite; ningĩ wĩra ũyũ ti wa mũthenya ũmwe kana ĩĩrĩ, nĩ gũkorũo nĩtwagararĩte watho mũno ũhoro-inĩ ũcio.
14Tondũ ũcio reka atongoria aitũ matuwo arori a kĩrĩndĩ gĩothe, nao andũ othe a matũũra maitũ arĩa mahikĩtie andũ-a-nja matarĩ a rũrĩrĩ ruitũ nĩmoke o mahinda marĩa magatuĩrũo, na moke na athuri a itũũra o itũũra, o na aciri arĩo, o nginya hĩndĩ ĩrĩa marakara marĩa manene ma Ngai witũ magathengio matigatũkore; o nginya ũndũ ũcio ũninwo.
15Na gũgĩtuĩka atĩrĩ, atĩ Jonathani wa Asaheli na Jahazeia wa Tikiva, acio oiki-rĩ, no o maakararirie ũhoro ũcio; nao Meshulamu, o na Shabethai, Mũlawii, makĩmateithia.
16Nao andũ acio maatahĩtwo magĩĩka o ta ũrĩa kwarĩkanĩrĩtwo; nake Ezara, ũcio mũthĩnjĩri-Ngai, me hamwe na anene amwe a nyũmba cia maithe mao, o ta ũrĩa nyũmba cia maithe mao ciatariĩ, makĩamũrũo na ũndũ wa kũgwetwo marĩĩtwa mao. Nao magĩgĩikara thĩ mũthenya wa mbere wa mweri wa ikũmi nĩ getha magwate gũtuĩria wega ũhoro ũcio.
17Naguo mũthenya wa mbere wa mweri wa mbere nĩguo maarĩkirie gũcira ũhoro wa andũ acio othe maahikĩtie andũ-a-nja arĩa matarĩ a rũrĩrĩ rũao.
18Na thĩinĩ wa ariũ a athĩnjĩri-Ngai nĩkwonekire andũ amwe maahikĩtie andũ-a-nja matarĩ a rũrĩrĩ rũao, nao nĩ aya; thĩinĩ wa ariũ a Jeshua wa Jozadaku na ariũ a ithe, nĩ Maaseia, na Eliezeru, na Jaribu, na Gedalia.
19Nao makĩĩhĩta na makĩneana moko mao, makiuga atĩ nĩmegũte atumia acio ao; na tondũ wa ũguo mehĩtie magĩkĩruta ndũrũme ya rũũru nĩ ũndũ wa wĩhia wao.
20O nao a ariũ a Imeri, nĩ Hanani, na Zebadia.
21O nao a ariũ a Harimu, nĩ Maaseia, na Elija, na Shemaia, na Jehieli, na Uzia.
22O nao a ariũ a Pashuri, nĩ Elioenai, na Maaseia, na Ishumaeli, na Nethaneli, na Jozabadu, na Elasa.
23O nao a Alawii, nĩ Jozabadu, na Shimei, na Kelaia (nake ũcio nowe wĩtagwo Kelita), na Pethahia, na Juda, na Eliezeru.
24O nao a andũ arĩa aini nyĩmbo, nĩ Eliashibu; o nao a andũ arĩa maaikaragia mĩrango, nĩ Shalumu, na Telemu, na Uri.
25O na thĩinĩ wa Aisiraeli arĩa angĩ, a ariũ a Paroshu, nĩ Ramia, na Izia, na Malikija, na Mijamini, na Eleazaru, na Malikija, na Benaia.
26O nao a ariũ a Elamu, nĩ Matania, na Zekaria, na Jehieli, na Abadi, na Jeremothu, na Elija.
27O nao a ariũ a Zatu, nĩ Elioenai, na Eliashibu, na Matania, na Jeremothu, na Zabadu, na Aziza.
28O nao a ariũ a Bebai, nĩ Jehohanani, na Hanania, na Zabai, na Athilai.
29O nao a ariũ a Bani, nĩ Meshulamu, na Maluku, na Adaia, na Jashubu, na Sheali, na Jeremothu.
30O nao a ariũ a Pahathu-moabi, nĩ Adina, na Kelali, na Benaia, na Maaseia, na Matania, na Bezaleli, na Binui, na Manase.
31O nao a ariũ a Harimu, nĩ Eliezeru, na Ishija, na Malikija, na Shemaia, na Shimeoni,
32na Benjamini, na Maluku, na Shemaria.
33O nao a ariũ a Hashumu, nĩ Matenai, na Marata, na Zabadu, na Elifeleti, na Jeremai, na Manase, na Shimei.
34O na a ariũ a Bani, nĩ Maadai, na Amuramu, na Ueli,
35na Benaia, na Bedeia, na Keluhi,
36na Vania, na Meremothu, na Eliashibu,
37na Matania, na Matenai, na Jaasu,
38na Bani, na Binui, na Shimei,
39na Shelemia, na Nathani, na Adaia,
40na Makinadebai, na Shashai, na Sharai,
41na Azareli, na Shelemia, na Shemaria,
42na Shalumu, na Amaria, na Jusufu.
43O nao a ariũ a Nebo, nĩ Jeieli, na Matithia, na Zabadu, na Zebina, na Ido, na Joeli, na Benaia.
44Acio othe nĩmaahikĩtie andũ-a-nja matarĩ a rũrĩrĩ rũao; na amwe ao nĩmaaciarĩirũo ciana nĩ andũ-a-nja acio.
Sign in to highlight verses and keep them in sync with the mobile app.